Bizimyol saytına istinadən ain.az xəbər verir.
ABŞ prezidenti Donald Tramp Avropa liderləri ilə razılaşmalara baxmayaraq, Rusiyaya qarşı ABŞ-ın yeni sanksiyalarının tətbiqi ilə bağlı dəqiq öhdəliklər götürməyib.
Bizimyol.info xəbər verir ki, bu barədə "The Wall Street Journal" qəzeti cümə axşamı Parisdə "istəklilər koalisiyası"nın iclaslarında iştirak edən rəsmilərə istinadən məlumat yayıb.
Nəşrdə qeyd edildiyi kimi, bu məlumat Avropa ölkələrinin nümayəndələrinin Amerika liderinin Rusiyaya qarşı əlavə sanksiyalar, o cümlədən Çin və digər ölkələrə qarşı ikinci dərəcəli məhdudiyyətlər üzrə ABŞ və Avropa arasında birgə texniki işlərə razılıq verdiyi barədə bəyanatları fonunda yayılıb.
Sentyabrın 4-də Parisdə “istəklilər koalisiyası”nın iclası keçirilib və burada digər məsələlərlə yanaşı, Ukrayna üçün təhlükəsizlik təminatları da müzakirə olunub.
Fransa prezidenti Emmanuel Makronun daha əvvəl dediyi kimi, koalisiyanın 30-a yaxın iştirakçısı qeydə alınıb, onlardan bəziləri videobağlantı vasitəsilə müzakirələrdə iştirak edib.
Avqustun 30-da Rusiyanın xarici işlər naziri Sergey Lavrov bəyan edib ki, “istəklilər koalisiyası”nın hərəkətləri Rusiya-Amerika təmaslarından sonra Ukrayna nizamlanmasında yaranan irəliləyişə xələl gətirmək məqsədi daşıyır. Bundan əvvəl “NBC News” telekanalına müsahibəsində nazir həmçinin bəyan etmişdi ki, “Ukrayna ərazisinin bəzi hissəsinə xarici hərbi müdaxilə” yolu ilə Ukrayna üçün təhlükəsizlik zəmanətlərinin təmin edilməsi Rusiya üçün qəbuledilməzdir.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
