Norveçin Finnmark bölgəsində, Rusiya sərhədi yaxınlığında keçirilən hərbi təlimlər zamanı itkin düşən son beş hərbçi tapılıb.
APA xəbər verir ki, bu barədə “NRK” məlumat yayıb.
Məlumata görə, təlimlər başa çatdıqdan sonra 7 nəfər hərbiçi toplanma yerinə vaxtında gəlməyib və onlarla əlaqə kəsilib.
Axtarışlara xilasedicilər, polis, silahlı qüvvələr və Qızıl Xaç cəlb edilib.
Bildirilir ki, ilk olaraq 2 nəfər gecə saatlarında helikopterlə aşkar edilib. Qalan 5 nəfəri isə səhər saatlarında tapmaq mümkün olub.
***
08:50
Rusiya sərhədi yaxınlığında keçirilən təlimlər zamanı beş Norveç hərbçisi itkin düşüb.
APA xəbər verir ki, polis onların tapılması üçün əməliyyat-axtarış tədbirlərini davam etdirir.
Məlumata görə əvvəlcə 10 əsgərin itkin düşdüyü bildirilsə də onlardan beşi tapılıb. Belə ki, üçü razılaşdırılmış görüş yerinə gəlib, daha ikisi isə xilasetmə helikopteri tərəfindən aşkarlanıb.
İtkin düşən beş nəfərin arasında həm zabitlərin, həm də çağırışçıların olduğu bildirilir.
Məlumata görə hərbçilər gizli qalmaq bacarıqlarını məşq edirdilər. Əməliyyat qərargahının rəhbəri Hauklанd Hensen bildirib ki, itkin düşmənin ehtimal olunan versiyalarından biri hərbçilərin görüş vaxtını düzgün başa düşməməsi və ya planlaşdırılandan artıq gecikdiyi ehtimallıdır.
Digər versiyalar isə odur ki, onlardan kimsə xəsarət alıb və ya onlar azıb.
