Gimnast Marina Barselo Almaniyanın Bautzen şəhərində yüzlərlə tamaşaçı qarşısında çıxışı zamanı dünyasını dəyişib.
Musavat.com xəbər verir ki, bu barədə Britaniyanın "Daily Mail" qəzeti məlumat yayıb.
Məlumatda bildirilir ki, 27 yaşlı gimnast təxminən 5 metr hündürlükdən yıxılıb. Xilasedicilərin bütün səylərinə baxmayaraq, Barselo hadisə yerində dünyasını dəyişib.
Faciənin şahidi olanların sayı 100 nəfərə yaxın olub, onların arasında azyaşlı uşaqlar da var idi. Sirk rəhbərliyi xəsarət alan tamaşaçılara psixoloji dəstək veriləcəyini vəd edib.
Bautzen şəhərinin meri Karsten Foqt bələdiyyə adından başsağlığı verib. Hadisədən sonra sirk rəhbərliyi bütün qastrolları dayandırıb. Almaniya hüquq-mühafizə orqanları faciənin səbəblərini araşdırır. İlkin ehtimallara görə, Barselonun müəyyən sağlamlıq problemləri olub.
Marina Barselo Aralıq dənizində yerləşən Mayorka adasında anadan olub. 2018-ci ildən sirk truppası ilə Polşa, İspaniya və Almaniyada qastrollarda iştirak edib.
Musavat.com
