“Arash Estetik”də pozuntu aşkarlandı, klinika cərimələndi

BAKI, 28 yanvar. TELEQRAF

Səhiyyə Nazirliyi “Arash Estetik” klinikasında plandankənar yoxlama aparıb.

Teleqraf-ın əldə etdiyi məlumata görə, yoxlama zamanı klinikada tanınmış həkim Sənan Xankişiyevin iştirakı ilə sertifikatsız stomatologiya ixtisası üzrə praktik tibb fəaliyyətinə buraxılması faktı aşkarlanıb.

Nazirlik İnzibati Xətalar Məcəlləsinin 215.4-cü maddəsinin tələblərini pozan klinika barədə protokol tərtib edərək baxılması üçün aidiyyəti üzrə məhkəyə göndərib.

Məhkəmənin qərarına əsasən, “Arash Estetik” klinikası 6 000 manat məbləğində cərimələnib.

• Səhiyyə Nazirliyi
• Cərimə
• Pozuntu
• Klinika
• Arash Estetik