Musa premyer-liqada “100”ə çatdı

"Qarabağ"ın futbolçusu Musa Qurbanlı ölkə çempionatlarının yüksək dəstəsində 100-cü oyununu keçirib.

"Football-plus.az" xəbər verir ki, hücumçunun yubileyi Misli premyer-liqasının 24-cü turuna təsadüf edib. O, “Zirə” ilə səfər görüşünün (3:1) 85-ci dəqiqəsində meydana daxil olub.

Qurbanlı premyer-liqada 2020/21 mövsümündə debüt edib. Yalnız 2 klubda çıxış edən forvard bu matçlarda 42 qola imza atıb. O, “Qarabağ”da 91 (41 qol), “Zirə”də 9 (1 qol) oyun keçirib.

Musa turnirin tarixində 100 və daha çox oyun keçirən 453-ci futbolçu olub.