Avropa İttifaqı, Avropa Sülh Fondu vasitəsilə, Ermənistana ölümcül silahlar istisna olmaqla, silahlı qüvvələrini dəstəkləmək üçün 30 milyon avro ayırıb.
"Unikal" xəbər verir ki, bu barədə 5 mayda İrəvanda keçirilən ilk Ermənistan-Aİ sammitindən sonra verilən birgə bəyanatda bildirilib.
Ermənistan Baş nazirinin saytında dərc olunan sənəddə deyilir:
"Ermənistanın dayanıqlığını gücləndirmək və Aİ-nin rəhbərlik etdiyi əməliyyatlar da daxil olmaqla, beynəlxalq missiyalarda və əməliyyatlarda mümkün gələcək iştirakı üçün silahlı qüvvələrinin qarşılıqlı fəaliyyətinin təşviq edilməsi məqsədi daşıyan Avropa Sülh Fondu çərçivəsində Ermənistana iki mərhələli 30 milyon avroluq yardımın ayrılmasını alqışlayırıq".
