Morqan Gibbs-Uayt – Premyer Liqada aprelin ən yaxşı oyunçusu!

“Nottingem Forest”in yarımmüdafiəçisi Morqan Gibbs-Uayt İngiltərə Premyer Liqasında aprel ayının ən yaxşı oyunçusu seçilib.

Arena.az bu barədə İngiltərə Premyer Liqasının rəsmi saytına istinadən məlumat verir.

26 yaşlı ingilis futbolçu futbolçu keçirdiyi üç oyunda 4 qol vurub və 1 məhsuldar ötürmə verib. O, xüsusilə, “Börnli” ilə matçda etdiyi het-triklə diqqət çəkib.

Gibbs-Uayt mükafat uğrunda mübarizədə Carrod Bouen və Konstantinos Mavropanos (hər ikisi “Vest Hem”), Rayan Şerki və Niko O’Rayli (hər ikisi “Mançester Siti”), Paskal Qross (“Brayton”), Noa Okafor (“Lids Yunated”) kimi futbolçuları qabaqlayıb.

Morqan Gibbs-Uayt karyerası ilk dəfə Premyer Liqada ayın ən yaxşı oyunçusu elan edilir.

Xatırladaq ki, Premyer Liqada cari mövsümün ilk mükafatçısı Cek Qriliş olub. Hazırda “Everton”da çıxış edən futbolçu avqustun ən yaxşısı elan edilmişdi. Sentyabrda Erlinq Haland (“Mançester Siti”), oktyabrda Brayan Mbömo (“Mançester Yunayted”), dekabrda Dominik Kalvert-Lyuin (“Lids”), yanvarda İqor Tyaqo (“Brentford”), fevralda Antuan Semenyo (“Mançester Siti”), martda Bruno Fernandes (“Mançester Yunayted”) bu ada layiq görülmüşdü.