Ermənistan Avrasiya İqtisadi Birliyinin (AİB) üzvüdür və Avropaya inteqrasiya ilə bağlı qərarı da zamanı çatanda verəcək.
"Ölkə.az" xəbər verir ki, bunu Ermənistanın xarici işlər naziri Ararat Mirzoyan bildirib.
“Biz həmişə demişik ki, vaxtı gələndə, Ermənistanın AİB və Aİ arasında seçim etməli olduğunu başa düşəndə bu seçim edilməlidir. Bunda yeni bir şey yoxdur”, - o bildirib.
“Hazırda biz AİB-in üzvüyük, orada fəaliyyətimizi davam etdiririk və Ermənistan xalqının Avropa istəklərinin olduğu heç kimə sirr deyil. Qərar vermək vaxtı gələndə qərar verəcəyik. Bu gün biz AİB-in üzvüyük; heç kim bizim bu birlikdən ayrıldığımızı deməyib”, - Ermənistanın xarici işlər naziri bildirib.
Rusiya Prezidenti Vladimir Putin Ermənistanda Aİ və Rusiya ilə münasibətlərə dair referendum keçirilməsini qeyd edib.
"Mənim fikrimcə, həm Ermənistan vətəndaşları, həm də onların əsas iqtisadi tərəfdaşı kimi bizim mümkün qədər tez bir qərar verməyimiz düzgün olardı. Məsələn, referendum keçirməklə", - Putin bildirib.
Putin vurğulayıb ki, bu, bizim işimiz deyil, amma prinsipcə, referendum keçirmək və Ermənistan vətəndaşlarından seçimlərinin nə olacağını soruşmaq tamamilə məntiqli olardı.
Xəbər verildiyi kimi, Avropa Siyasi Birliyi və Aİ-Ermənistan sammitləri 4-5 may tarixlərində Yerevanda keçirilib. Tədbirdə 30-dan çox ölkədən nümayəndələr iştirak edib. Əsas mövzular təhlükəsizlik, Ukrayna ətrafındakı vəziyyət və Ermənistanın Avropaya inteqrasiyası olub. Brüssel həmçinin Yerevana 30 milyon avroluq hərbi yardımın ayrıldığını açıqlayıb.
Elvin
Ölkə.az
