ain.az, Azertag saytına istinadən bildirir.
Lənkəran, 12 may, AZƏRTAC
Lənkəranda üç avtomobilin iştirakı ilə zəncirvari qəza baş verib.
AZƏRTAC-ın bölgə müxbiri xəbər verir ki, hadisə köhnə Ələt-Astara magistralında, Lənkəran rayonunun Şiləvar kəndi ərazisində qeydə alınıb. Belə ki, Səhəd Dədəyev idarə etdiyi “VAZ-2107” markalı nəqliyyat vasitəsi ilə dönmə əməliyyatı həyata keçirərkən, arxadan hərəkətdə olan İran İslam Respublikası vətəndaşı Yasir Əzizadənin idarə etdiyi “Volvo” markalı yük avtomobili onun nəqliyyat vasitəsinə çırpılıb. Zərbənin təsirindən idarəetməni itirən “VAZ-2107” markalı avtomobil əvvəlcə Əli Ramazanovun idarə etdiyi “Toyota Prius” markalı minik avtomobilinə, daha sonra isə yol kənarındakı dirəyə dəyib.
Nəticədə “VAZ-2107” markalı avtomobilin sürücüsü diz və burun nahiyəsindən xəsarətlər alıb.
Faktla bağlı araşdırma aparılır.
Müxbir- İlkin Adıyev
Sonrakı hadisələr barədə daha çox məlumat almaq üçün ain.az saytını izləyin.
