Cənubi Koreyanın cənub-şərqində yerləşən Pohang şəhərində Dəniz Qüvvələrinə məxsus patrul təyyarəsi dağa çırpılıb.
APA “Yonhap” agentliyinə istinadən xəbər verir ki, Dəniz Qüvvələri təyyarədə 4 nəfərin olduğunu bildirib.
"Pohang hərbi hava bazasından saat 13:43-də təlim üçün havaya qalxan P-3 tipli dəniz patrul təyyarəsi hələlik naməlum səbəbdən yaxınlıqda qəzaya uğrayıb," deyə bildirilib.
Hazırda qəzaya dair əlavə təfərrüatlar, o cümlədən itkilər barədə araşdırma aparılır. Yanğınsöndürmə briqadaları hadisə yerinə cəlb olunub və yanğının söndürülməsi istiqamətində işlər görülür.
