“Neftçi” komandasının yay hazırlıq planı bəlli olub.
“İki sahil” xəbər verir ki, klubdan verilən məlumata görə, “ağ-qaralar” təlim-məşq toplanışının birinci mərhələsini iyunun 25-dən iyulun 14-dək Bakıdakı “Neftçi” Futbol Mərkəzində keçəcək.
Toplanışın ikinci mərhələsi iyulun 15-dan avqustun 2-dək Polşanın Keltse şəhərində reallaşacaq. Komanda bu mərhələ ərzində 4 yoxlama görüşü keçirməyi planlaşdırır. Oyunlar 17, 22, 27 iyul və 1 avqust tarixlərində baş tutacaq. Üçüncü matçda rəqib “Asteras” (Yunanıstan), sonuncuda isə AEL (Kipr) olacaq.
Yoxlama görüşlərinin başlanma saatı və digər rəqiblər haqda daha sonra məlumat veriləcək.
