“Sabah” yarımmüdafiəçisi Anatoli Nuriyevlə bağlı qərarını açıqlayıb.
QOL.az xəbər verir ki, bu barədə klubun mətbuat xidməti məlumat yayıb.
A.Nuriyevlə yeni müqavilə imzalanıb. 29 yaşlı futbolçunun mövsümün sonunda başa çatan müqaviləsi daha bir il müddətinə uzadılıb.
Azərbaycan millisinin üzvü olan futbolçu 2022-ci ildən “Sabah”ın heyətində çıxış edir. O, bu müddət ərzində paytaxt təmsilçisində 105 oyun keçirib və 12 qol vurub.
Xatırladaq ki, "Sabah" bunadək Rəhman Daşdəmirov və Stas Pokatilovla da müqaviləni uzadıb.
