ain.az, Azpolitika.az portalına istinadən məlumatı açıqlayır.
Qapıçı transferini gerçəkləşdirməyə çalışan Türkiyənin “Qalatasaray” klubu Fransanın “Lion” klubunun braziliyalı qapıçısı Lukas Perri ilə razılığa gəlib.
Bu barədə "beIN SPORTS" müxbiri Nezih Akşener məlumat verib.
Məlumata görə, sarı-qırmızılılar əsas diqqəti hələlik Petroviç transferinə yönəltsə də, eyni zamanda Perri ilə də danışıqları paralel şəkildə davam etdirir.
Futbolçu tərəfi artıq “Qalatasaray”-a keçmək istədiyini və şəxsi şərtləri qəbul etdiyini klub rəhbərliyinə bildirib. Hazırda İstanbul klubu “Lion” ilə sərbəst qalma məbləği üzrə danışıqlar aparır.
Qeyd edək ki, Lukas Perri 3,25 milyon avroya “Botafogo”-dan “Lion”-a transfer olunmuşdu. Braziliyalı qapıçı ötən mövsüm 45 oyunda 4080 dəqiqə meydanda olub.
"AzPolitika.info"
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
