"Microsoft" qlobal işçi qüvvəsinin 4 faizindən az hissəsini əhatə edən yeni ixtisar dalğası çərçivəsində 9 min əməkdaşını işdən azad etməyi planlaşdırır.
Valyuta.az xəbər verir ki, şirkət son rüblük maliyyə hesabatlarında gözləntiləri üstələməyə davam edir. Ən son nəticələrə əsasən, "Microsoft"un xalis gəliri ötən illə müqayisədə 18 faiz artaraq 25,8 milyard ABŞ dollarına çatıb.
Bununla belə, şirkət kadr sayını azaltmaq siyasətini davam etdirir. Bu, 2025-ci il ərzində həyata keçirilən bir neçə ixtisar mərhələsindən biridir.
"Microsoft"un açıqlamasına görə, ixtisarlar əsasən idarəetmə strukturlarını sadələşdirmək məqsədi daşıyır. Şirkət bu baxımdan "Amazon" və "Meta" kimi rəqiblərinin yolunu izləyir.
Sərvanə Rəmixanova
