BAKI, 4 iyul. TELEQRAF
Almaniyanın keçmiş kansleri Angela Merkel ABŞ Prezidenti Donald Trampın 2017-ci ildə Ağ Evdə keçirilən görüşdə onun əlini sıxmaması barədə danışıb.
Teleqraf xəbər verir ki, o, ABŞ liderini “diqqət mərkəzində olmağa çalışan adam” adlandırıb.
“Ona “Donald, sənin əlini sıxmaq istəyirəm” dedim, o isə bunu etmədi. Diqqəti özünə çəkmək istəyirdi. Onun istədiyi də budur - diqqət çəkmək və hamının ona baxmasını təmin etmək”, - Merkel bildirib.
Keçmiş kansler Avropa İttifaqını birləşməyə və ABŞ prezidenti tərəfindən təzyiqlərə məruz qalmamağa, əks tədbirlər görməyə çağırıb.
