Oğuzda qadın sürücü qəza törətdi - Özü və digər sürücü xəsarət aldı

Oğuzda qadın sürücü idarə etdiyi avtomobillə digər avtomobilə çırpılıb.

Bizim.Media-nın yerli bürosu xəbər verir ki, Oğuz şəhəri Hacı Zeynalabdin Tağıyev və Cavanşir küçələrinin kəsişməsində yol qəzası baş verib.

Belə ki, Sumqayıt şəhər sakini 35 yaşlı Türkanə Kosayevanın idarə etdiyi "Chevrolet Cruze" markalı avtomobillə 36 yaşlı Tərlan Allahverdiyevin idarə etdiyi VAZ-2107 markalı avtomobil toqquşub.

Nəticədə hər iki sürücü müxtəlif dərəcəli bədən xəsarətləri alaraq Oğuz Rayon Mərkəzi Xəstəxanasına yerləşdirilib.

Faktla bağlı araşdırma aparılır.

Tural Rasimoğlu, Bizim.Media, Şimal-Qərb bürosu