“Qarabağ”dan ayrılan Yassin Benzia karyerasını Çində davam etdirə bilər.
Sitat.info xəbər verir ki, “Çanqçun Yatai” azad agent statusunda olan əlcəzairli yarımmüdafiəçini heyətinə qatmaq istəyir
Bu barədə “Africafoot” məlumat yayıb. Çin klubu 30 yaşlı futbolçuya yüksək maaş təklif edib. Benzia hələ qərarını verməyib.
Qeyd edək ki, Benzia 2023-cü ilin yanvar ayında “Qarabağ”a keçmişdi. Əlcəzair millisinin üzvü komandanın heyətində meydana çıxdığı 104 rəsmi matçda 28 qol və 25 məhsuldar ötürmə ilə yadda qalıb.
