ABŞ-ın Texas ştatında baş verən dağıdıcı daşqınlar nəticəsində ölənlərin sayı ən azı 80 nəfərə yüksəlib.
Publika.az CNN-ə istinadla xəbər verir ki, bu barədə yerli hakimiyyət orqanları məlumat yayıb. Daha əvvəl 50 nəfərin öldüyü bildirilirdi.
CNN-in saytında dərc olunan məlumatda qeyd olunur: "Texasın bir neçə dairəsində rəsmi şəxslər hazırda daşqınla əlaqədar 80 nəfərin ölümünü təsdiqləyiblər."
Ən çox ölüm halı Kerr dairəsində qeydə alınıb – burada azı 68 nəfərin həyatını itirdiyi təsdiqlənib.
