Ukrayna Təhlükəsizlik Xidmətinin (SBU) Mərkəzi Kəşfiyyat İdarəsinin A pilotsuz təyyarələri Rusiyanın Qara dənizdəki əməliyyatlar üçün əsas aviabazası olan işğal olunmuş Krımdakı Saki hərbi aerodromuna zərbələr endirib.
Sfera.az Teleqraf-a istinadən xəbər verir ki, bu barədə qurumun mətbuat xidməti məlumat yayıb.
Məlumatda deyilir ki, aerodroma endirilən zərbə nəticəsində Rusiyanın bir ədəd Su-30SM təyyarəsi və üç ədəd Su-24 qırıcısı məhv edilib.
“Düşmən xeyli itki verib. Təkcə bir Su-30SM təyyarəsi orta hesabla 35-50 milyon dollara başa gəlir”, - qurum vurğulayıb.
SBU onu da bildirib ki, xüsusi əməliyyat nəticəsində aerodromda aviasiya silahları anbarı da vurulub.
