Dortmund “Borussiya”sı “Barselona”nın istedadlı futbolçusu Qilye Fernandeslə maraqlanır.
90deqiqe.Az-ın məlumatına görə, Almaniya klubu gənc mərkəz yarımmüdafiəçisinin transferi ilə bağlı “Barselona”ya rəsmi sorğu göndərib.
Hazırda Fernandes Kataloniya klubunun B komandası – “Barselona Atletik”in şərəfini qoruyur. Bununla belə, o, əsas heyətlə iki hazırlıq toplanışında iştirak edib, o cümlədən bu yay komandaya qoşulub.
20 yaşlı yarımmüdafiəçi ötən mövsüm “Barselona Atletik”in heyətində 32 oyun keçirib, 7 qol və 1 məhsuldar ötürmə ilə yadda qalıb. “Transfermarkt”ın qiymətləndirməsinə əsasən, futbolçunun bazar dəyəri 3 milyon avrodur.
