BAKI, 27 avqust. TELEQRAF
Bu gün "Qarabağ" komandası UEFA Çempionlar Liqasının pley-off mərhələsində Macarıstan "Ferentsvaroş"u ilə cavab oyununu keçirəcək.
Teleqraf xəbər verir ki, Tofiq Bəhramov adına Respublika Stadionunda təşkil olunacaq görüşü fransalı hakimlər briqadası idarə edəcək.
Saat 20:45-də start götürəcək matçın baş hakimi Kleman Türpindir.
Komandalar arasında Macarıstanda keçirilən ilk oyunda Ağdam təmsilçisi 3:1 hesablı qələbə qazanıb.
UEFA Çempionlar Liqası
Pley-off mərhələsi, cavab oyunu
27 avqust
20:45 "Qarabağ" (Azərbaycan) - "Ferentsvaroş" (Macarıstan) (ilk oyun - 3:1)
Hakimlər: Kleman Türpin, Nikolas Danos, Aleksis Auqe, Romen Lissorqe
VAR: Cerom Brisar
AVAR: Nikolas Reynvil
Hakim inspektor: Vitor Melo Pereyra
UEFA nümayəndəsi: Devid Makdouell
Tofiq Bəhramov adına Respublika Stadionu
