Vaşinqton, 8 sentyabr, AZƏRTAC
Biz Rusiya-Ukrayna məsələsini həll edəcəyik.
AZƏRTAC-ın məlumatına görə, bu barədə ABŞ Prezidenti Donald Tramp jurnalistlərə açıqlamasında deyib.
Dövlət başçısı buna əmin olduğunu bildirib. “Biz bu münaqişəni həll edəcəyik. Mən 7 münaqişəni yoluna qoymuşam, onların bir çoxu mümkün deyildi. Münaqişənin biri 31 il çəkdi, 10 milyon insan öldü. Biri 34 il oldu, 8 milyon insan öldürüldü. Konqo və Ruanda 9 milyon insan itirdi. Hamısı həll olundu. Hamı xoşbəxtdir. Putinə görə mən bu məsələnin həllinin ən asan olacağını düşünürdüm, amma olmadı. Lakin biz bunu həll edəcəyik”,- deyə Tramp vurğulayıb.
Məlahət Nəcəfova
AZƏRTAC-ın xüsusi müxbiri
Vaşinqton
