ain.az, Modern.az portalına istinadən məlumatı açıqlayır.
Ermənistanın iqtisadiyyat naziri Gevorg Papoyan ölkəyə Azərbycan vasitəsilə daşınan buğdanın keyfiyyəti ilə bağlı yayılan iddialara cavab verib.
Modern.az-ın məlumatına görə, nazir “Facebook” səhifəsində vətəndaşlardan birinin şərhinə cavabında bildirib ki, sözügedən 3-cü dərəcəli rus buğdası artıq un və çörək istehsalında istifadə olunub.
“Bu buğda artıq una çevrilib, sonra çörəyə və biz hamımız onu yemişik. Gördüyünüz kimi, heç kim zəhərlənməyib”, – Papoyan yazıb.
Nazir əlavə edib ki, Rusiya mənşəli buğdanın miqdarı ölkənin gündəlik tələbatı ilə müqayisədə çox azdır: “1000 ton dediyiniz miqdar bizim hər gün istifadə etdiyimizdən qat-qat azdır.”
"Əvvəlcə bu buğda çörəyini mən yeyəcəyəm", - deyə o qeyd edib.
Xatırladaq ki, Qazaxıstan və rusiya taxılını daşıyan qatar Rusiya, Azərbaycan və Gürcüstandan keçdikdən sonra Ermənistana gedib.
Sonrakı hadisələr barədə daha çox məlumat almaq üçün ain.az saytını izləyin.
