BAKI, 28 noyabr. TELEQRAF
Bu gün Azərbaycan Premyer Liqasında XIII tura start veriləcək.
Teleqraf xəbər verir ki, ilk oyun günündə iki qarşılaşma keçiriləcək.
Günün birinci matçında “Kəpəz” Yevlax şəhər stadionunda "Zirə"ni qəbul edəcək. Saat 14:00-da başlanacaq görüşü baş hakim Rəşad Əhmədov idarə edəcək. Gəncə klubu hazırda 6 xalla turnir cədvəlinin 10-cu, “qartallar” isə 23 xalla 3-cü pilləsində qərarlaşıb.
Günün növbəti matçında isə "Turan Tovuz" doğma meydanda "Neftçi"ni qəbul edəcək. Samir Abasov istefaya göndərildiyi üçün “ağ-qaralar”ı bu matça Sənan Qurbanov çıxaracaq. Hazırda "Turan Tovuz" 23 xalla turnir cədvəlinin 2-ci, "Neftçi" 15 xalla 8-ci pilləsində yer alır. Saat 18:30-da start götürəcək görüşü baş hakim Fərid Hacıyev idarə edəcək.
Azərbaycan Premyer Liqası, XIII tur
28 noyabr
14:00. “Kəpəz” – “Zirə”
Hakimlər: Rəşad Əhmədov, Akif Əmirəli, Teymur Teymurov, İslam Məmmədov
VAR: Rəvan Həmzəzadə
AVAR: Cəmil Quliyev
Hakim-inspektor: Şahin Cəfərov
AFFA nümayəndəsi: Eldəniz Musayev
Yevlax şəhər stadionu
18:30. “Turan Tovuz” – “Neftçi”
Hakimlər: Fərid Hacıyev, Rəhman İmami, Müslüm Əliyev, Vüqar Həsənli
VAR: Nicat İsmayıllı
AVAR: Rahil Ramazanov
Hakim-inspektor: Babək Quliyev
AFFA nümayəndəsi: Məmmədəli Məmmədov
Tovuz şəhər stadionu
Qeyd edək ki, turun qalan oyunları 29-30 noyabrda keçiriləcək.
