Apa.az saytından verilən məlumata əsasən, ain.az məlumatı açıqlayır.
ABŞ hakimiyyətinin Gürcüstana münasibətinin dəyişəcəyinə ümid edirik.
APA-nın yerli bürosu xəbər verir ki, bunu Gürcüstanın Baş naziri İrakli Kobaxidze jurnalistlərə açıqlamasında deyib.
O, Gürcüstanın ABŞ-ın mövqeyini səbirlə gözlədiyini bildirib.
“Biz ümid edirik ki, 2024-cü ilədək Gürcüstana münasibətdə mövcud olmuş tamamilə kobud və ədalətsiz münasibət dəyişəcək”, - Kobaxidze əlavə edib.
Baş nazir qeyd edib ki, Gürcüstan ABŞ-ın mövqeyini gözləyir:
“Biz bəyanatlar vermişik və cavabı gözləyirik. Hərəkətlərimiz cavaba uyğun olacaq”.
Qeyd edək ki, ABŞ Gürcüstanla 2009-cu ildə əsası qoyulan strateji tərəfdaşlığı ötən ilin noyabrın 30-da dayandırıb. Vaşinqton bu qərarı Gürcüstan hökumətinin Avropa İttifaqına üzvlüklə bağlı danışıqları 2028-ci ilədək gündəmə gətirməyəcəyini açıqlayandan sonra qəbul edib.
Gürcüstan hökuməti ABŞ ilə strateji tərəfdaşlığı təmiz səhifədən və konkret yol xəritəsi əsasında bərpa etməyə hazır olduğunu dəfələrlə bəyan edib.
Sonrakı hadisələr barədə daha çox məlumat almaq üçün ain.az saytını izləyin.
