“Sumqayıt” qışda Antalyada hazırlaşacaq – ARENA.AZ

Futbol üzrə Azərbaycan Premyer Liqasında mübarizə aparan “Sumqayıt” komandasının qış hazırlıq planları müəyyənləşib.

Arena.az xəbər verir ki, bu barədə klubun mətbuat xidməti məlumat yayıb.

Saşa İliçin rəhbərlik etdiyi kollektiv Azərbaycan Premyer Liqasında dekabrın 22-də baş tutacaq “Sabah”la oyundan sonra istirahətə buraxılacaq.

Kollektiv 2026-cı il, yanvarın 3-də Türkiyənin Antalya şəhərinə yollanacaq.

Həmin tarixdən ayın 17-nə qədər Lara bölgəsində yerləşən “Limak” otelində məskunlaşacaq “gənclik şəhəri” təmsilçisi bu müddət ərzində 3 yoxlama oyununda qüvvəsini sınayacaq.

Komanda yanvarın 9-da Macarıstanın “Paksi” kollektivi ilə üz-üzə gələcək. “Sumqayıt” yanvarın 12-də Serbiyanın “OFK Belqrad” komandası ilə üz-üzə gələcək. Yanvarın 16-da isə Xorvatiyanın “Osiyek” kollektivi ilə yoxlama oyunu baş tutacaq.