Premyer Liqa: “Şamaxı” 2025-ci ili məğlubiyyətlə bitirdi – ARENA.AZ

Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 16-cı turunun növbəti oyunları keçirilib.

Arena.az xəbər verir ki, 2025-ci ilə təsadüf edən sonuncu turun üçüncü oyun günündə son olaraq “Araz-Naxçıvan” və “Şamaxı” komandaları üz-üzə gəliblər.

“Dalğa Arena”da təşkil edilmiş oyunun baş hakimi Fərid Hacıyev olub. Son iki oyunundan qalib ayrılmış “Şamaxı” bu uğurlu seriyanı davam etdirmək istəyirdi. Qeyri-sabit nəticələri ilə diqqət mərkəzində olan “Araz-Naxçıvan” da ilin son oyununda xal və ya xallar qazanmaq arzusundaydı. Qarşılaşma məhz Naxçıvan təmsilçisinin inamlı qələbəsi ilə yekunlaşıb.

Premyer Liqa
16-cı tur

21 dekabr

“Araz-Naxçıvan” – “Şamaxı” 2:0
Qollar: Patrik Andrade, 54. Çarlz Boli, 87.
Hakimlər: Fərid Hacıyev, Rahil Ramazanov, Eyyub İbrahimov, İnqilab Məmmədov.
VAR: Əliyar Ağayev.
AVAR: Kamranbəy Rəhimov.
Hakim-inspektor: Ömər Paşayev.
AFFA nümayəndəsi: Asif Əliyev.
“Dalğa Arena”, 17:30.

Araz-Naxçıvan: 12. Kristian Avram, 34. Ürfan Abbasov (k), 3. Bəxtiyar Həsənalızadə, 8. Coşqun Diniyev, 24. Mustafa Əhmədzadə, 16. Ramon Maçado, 6. Patrik Andrade, 17. İssuf Paro, 11. Ba-Muaka Simakala, 77. Bruno Franko, 70. Çarlz Boli.
Ehtiyat oyunçular: 94. Tərlan Əhmədli, 2. Qara Qarayev, 5. Slavik Alxasov, 14. Ülvi İsgəndərov, 26. Ömər Buludov, 22. Elçin Mustafayev, 23. Nuno Rodriqes, 7. Hamidu Keyta, 19. Bar Kohen.
Baş məşqçi: Elmar Baxşıyev.

Şamaxı: 1. Rikardo Fernandes, 5. Arsen Ağcabəyov (k), 97. Oruc Məmmədov, 82. Rüfət Abbasov, 7. Edqar Adilxanov, 9. Karim Rossi, 3. Vladislav Veremeyev, 13. Rikardo Apolinario, 11. Dioqo Balau, 4. Sezar Enrike, 44. David Santos.
Ehtiyat oyunçular: 62. Abdulla Seydəhmədov, 17. Rafael Məhərrəmli, 80. Həbib İsmayılov, 21. Bilal İsmayılov, 27. Emil Süleymanov, 77. Nihat Mehralıyev, 14. Ravil Qafarov, 24. Sənan Muradlı, 90. Davud Mənsumov, 6. Antonio Lara, 19. Abdullahi Şuaybu.
Baş məşqçi: Ayxan Abbasov.