“Qəbələ” klubunun qış hazırlıq planı müəyyənləşib.
QOL.az xəbər verir ki, Misli Premyer Liqasının 16-cı turunun “Qarabağ”la dekabrın 21-də keçirilən oyundan sonra istirahətə buraxılan komanda yanvarın 3-də toplaşacaq. Hazırlıq prossesinin birinci mərhələsi yanvarın 13-dək Qəbələdə olacaq.
“Qırmızı-qaralar” hazırlıq mərhələsinin ikinci hissəsini 14-18 yanvar tarixlərində Bakıda keçirəcək.
Klubun toplanış çərçivəsində 3 yoxlama oyunu keçirməsi nəzərdə tutulur. Rəqiblər müəyyənləşdikdən sonra bu barədə əlavə məlumat veriləcək.
Qeyd edək ki, “Qəbələ” 2026-ci ildə ilk rəsmi oyununu Misli Premyer Liqasının XVII turu çərçivəsində yanvarın 24-ü səfərdə “Şamaxı”ya qarşı keçirəcək.
