ain.az bildirir, Apa.az portalına istinadən.
NATO-nun “açıq qapı” siyasəti yalan ümidə çevrilib.
APA-nın yerli bürosu xəbər verir ki, bunu Gürcüstan parlamentinin sədri Şalva Papuaşvili brifinqdə deyib.
O qeyd edib ki, Alyans istəsəydi Finlyandiya və İsveç kimi üzvləri bir ay ərzində qəbul edə bilərdi.
“Görünən odur ki, bu istək bizə qarşı ciddi olmayıb. NATO-nun “açıq qapı” siyasəti heç də “açıq qapı” siyasəti deyildi. Bu siyasət bütün xalqlara sadəcə yalan ümidlər verməkdən ibarətdir”, - spiker əlavə edib.
Papuaşvilinin sözlərinə görə, Gürcüstan NATO-ya üzvlük məsələsinə ciddi yanaşdığını göstərmək üçün əlindən gələni edib:
“Əvəzində biz NATO-ya qəbul edilməməyimizin səbəblərinin və bəhanələrinin daimi axtarışı ilə üzləşdik. Gürcüstan NATO-ya üzvlük kriteriyalarına həm hərbi uyğunluq, həm də institusional inkişaf baxımından hər cəhətdən cavab verirdi”.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
