“Qəbələ” komandasının baş məşqçisi Kaxaber Sxadadze dörd oyunluq cəzalanıb.
İdman.Biz xəbər verir ki, bu barədə AFFA İntizam Komitəsi qərar çıxarıb.
Buna mütəxəssisin Misli Premyer Liqasının 16-cı turunda, “Qarabağ”la matçda (1:2) hakimləri təhqir etməsi səbəb olub. “Qırmızı-qaralar” bu səbəbdən 10 min manat cərimələnib.
“Qəbələ” matçda dörd nəfər sarı vərəqə aldığı üçün 700 manat, “Qarabağ” isə azarkeşlərin pirotexniki vasitədən istifadəsinə görə 5000 manat ödəməli olacaq.
