A Seriyası: “Yuventus” 5, “Cenoa” 3 cavabsız qola sevindi – ARENA.AZ

Bu gün futbol üzrə İtaliya çempionatında (A Seriyası) 2025/2026-cı illər mövsümünün 20-ci turunun oyunlarına yekun vurulub.

Arena.az xəbər verir ki, sonuncu oyun günündə daha 2 qarşılaşma baş tutub.

“Cenoa” doğma meydanda “Kalyari”ni 3 cavabsız qolla məğlub edib. “Yuventus” isə “Kremoneze” ilə görüşdə əzici hesabla qalib gəlib.

Beləliklə, geridə qalmış 20 turdan sonra 43 xala malik “İnter” vahid liderdir. “Milan” 40 xalla ikinci pillədə qərarlaşıb. “Napoli”, “Yuventus” və “Roma” 39, “Komo” 34, “Atalanta” 31 xal toplayıb.

İtaliya, A Seriyası
20-ci tur
10 yanvar

Komo – Bolonya 1:1
Qollar: Baturina, 90+4 – Kambyaqi, 49.

Udineze – Piza 2:2
Qollar: Kabasele, 19. Devis, 40-pen – Tramoni, 13. Meyster, 67.

Roma – Sassuolo 2:0
Qollar: Kone, 76. Sule, 79.

Atalanta – Torino 2:0
Qollar: De Ketelare, 13. Paşaliç, 90+5.

11 yanvar

Leççe – Parma 1:2
Qollar: Ştuliç, 1 – T.Qabriel, 64-öz qapısına. Pelleqrino, 72.

Fiorentina – Milan 1:1
Qollar: Komusso, 66 – Nkunku, 90.

Verona – Latsio 0:1
Qol: Nelsson, 79-öz qapısına.

İnter – Napoli 2:2
Qollar: Dimarko, 9. H.Çalhanoğlu, 73-pen – Maktominey, 26; 81.

12 yanvar

Cenoa – Kalyari 3:0
Qollar: Kolombo, 7. Frendrup, 75. Estiqor, 78.

Yuventus – Kremoneze 5:0
Qollar: Bremer, 12. David, 15. K.Yıldız, 35. Terraçano, 48-öz qapısına. Makkenni, 64.