Ramon Maçado Premyer Liqada 20-ci qolunu vurdu – ARENA.AZ

“Araz-Naxçıvan”ın braziliyalı hücumçusu, 35 yaşlı futbolçu Ramon Maçado Azərbaycan çempionatında (Premyer Liqa) 20-ci qolunu vurub.

Arena.az bu barədə Peşəkar Futbol Liqasının (PFL) rəsmi saytına istinadən xəbər verir.

“Araz-Naxçıvan”ın futbolçusu Azərbaycan Premyer Liqasının 2025/2026-cı illər mövsümünün 17-ci turunun “İmişli” ilə səfər matçında (2:2) fərqlənib.

35 yaşlı hücumçu 93-cü oyununda 20-yə çatıb. Premyer Liqada 2021/2022-ci illər mövsümündə debüt etmiş Maçado “Neftçi”də 5, “Qəbələ”də 8, “Araz-Naxçıvan”da 7 dəfə rəqib qapısına yol tapıb.

Ramon Maçado Premyer Liqa tarixinə 20 və daha çox qol vurmuş 11-ci braziliyalı kimi düşüb. Bu siyahıya isə Reynaldo Silva başçılıq edir – 44 qol.

1. Reynaldo Silva – 44
2. Junivan Suares – 40
3. Junior Nildo – 37
4. Flavinyo – 31
5. Rafael Utziq – 26
6. Dodo – 23
7. Olavio Juninyo – 23
8. Kadi Borges – 23
9. Mario Souza – 22
10. Felipe Santos – 21
11. Ramon Maçado – 20

Qeyd edək ki, Azərbaycan vətəndaşlığı olan braziliyalı Riçard Almeyda daha çox – 51 qola imza atıb.