Son 24 saat ərzində kriptovalyuta bazarında aparıcı aktivlər üzrə qiymətlərdə azalma davam edib.
"APA-Economics" bu barədə "Coinmarketcap" platformasına istinadən xəbər verir. Bitcoin 24 saatda 7,37% ucuzlaşaraq 70 766 dollar səviyyəsinə enib.
Ethereum isə sutkalıq bazarda 7,49% geriləyərək 2 101 dollar olub.
Bazarda digər iri aktivlərdə də mənfi dinamika müşahidə edilir. Belə ki, BNB 8,74% ucuzlaşaraq 691 dollar, XRP isə 9,37% enərək 1,44 dollar səviyyəsində ticarət olunur.
Eyni zamanda, Solana qiyməti sutka ərzində 7,16% azalaraq 90,9 dollar, Dogecoin isə 5,78% enərək 0,102 dollar olub.
Stablecoinlərdə isə ciddi dəyişiklik müşahidə olunmur: Tether (USDT) 0,08%, USDC isə 0,01% diapazonunda sabit qalıb.
Analitiklərin fikrincə, kripto bazarındakı sutkalıq eniş əsasən qlobal risk iştahasının zəifləməsi, investorların daha təhlükəsiz aktivlərə yönəlməsi və son günlərdəki yüksəlişdən sonra bazarda mənfəət realizasiyası ilə bağlıdır.
