BAKI, 26 fevral. TELEQRAF
"Qərbi Azərbaycan qaçqınları da öz ata-baba torpaqlarına qayıdacaqlar".
Teleqraf xəbər verir ki, bunu Qərbi Azərbaycan İcması İdarə Heyətinin sədri Əziz Ələkbərli Xocalı soyqırımının 34-cü ildönümü ilə əlaqədar “Ana harayı” abidəsini ziyarət edərkən jurnalistlərə açıqlamasında deyib.
O bildirib ki, hədəfimiz ata - baba yurdumuza qayıtmaqdır.
"Bu, bizim soydaşlarımızın tarixi haqqıdır. Bugün artıq işğaldan azad olmuş suveren ərazilərimizdə quruculuq işləri gedir. Xocalı bu gün abadlaşır. Qarabağda ermənilərin yerlə-yeksan etdiyi kəndlərimiz abadlaşdırılır. Qərbi Azərbaycanda bizim ata-baba mülklərimiz, torpaqlarımız var. Oraya qayıdacağımıza əminik, - o vurğulayıb.
