Ukrayna Prezidenti Vladimir Zelenski ABŞ nümayəndə heyətini Rusiyanın Ukraynaya qarşı müharibəsinə son qoymaq şərtləri ilə bağlı Moskva ilə üçtərəfli danışıqları bərpa etmək üçün Kiyevə dəvət etdi.
Herbiand.az xəbər verir ki, "European Pravda" onlayn nəşri cümə günü, 3 apreldə məlumat verib.
"Mən Amerika danışıqlar nümayəndə heyətini Kiyevə dəvət etdim. Nümayəndə heyəti mövcud şəraitdə - (ABŞ və İsrail arasında - red.) İranla müharibə zamanı - Kiyevə gəlmək üçün mümkün olan hər şeyi edəcək. Bu, texniki qrup səviyyəsində üçtərəfli görüş üçün alternativ bir seçimdir. Amerika qrupu bizə gələ və sonra Moskvaya gedə bilər", - deyə "European Pravda" Ukrayna liderinin jurnalistlərə dediyi sözləri sitat gətirir.
"Reuters"in məlumatına görə, Zelenski bu həftənin əvvəlində keçirilən onlayn görüşdə amerikalılara Rusiya ilə sülh danışıqlarını bərpa etmək üçün Kiyevə səfər etmək dəvətini çatdırıb. Bəyanatda deyilir ki, cavab olaraq "müsbət siqnallar" alınıb.
