“Ermənistanın təhlükəsizliiynin qarantı haqqında çox danışılır və parlamentdəki müxalifət tərəfdaşlarımız bəzən soruşurlar: Sizin qarantınız kimdir? Azərbaycan sizin qarantınızdırmı: Onlar başa düşmürlər ki, Azərbaycan Ermənistanın ən böyük qarantıdır”.

"Aia.az" xəbər verir ki, bunu Ermənistan parlamentinin sədri Alen Simonyan deyib.

O həmçinin əlavə edib ki, Azərbaycanın da təhlükəsizliyinin zamini Ermənistandır.
"Yəni, onlar nədən danışdıqlarını belə başa düşmürlər. Dünyada yeni, davam edən və dərinləşən müharibələr davam edərkən, Ermənistan və Azərbaycan mövqelərimizi gücləndirməli olduğumuz bir nöqtəyə çatıblar, çünki bir çox qüvvələr Azərbaycan və Ermənistanı heç olmasa bir-birinə qarşı müharibəyə cəlb etmək istəyirlər. Bu, göz qabağındadır və aydındır", - Simonyan qeyd edib.

Onun sözlərinə görə, bu o qədər açıq-aydındır ki, bu barədə danışmağa ehtiyac olmadığını düşünürəm.