Cəlilabadda yol-nəqliyyat hadisəsi baş verib.
APA-nın Cənub bürosunun verdiyi xəbərə görə, hadisə Cəlilabad şəhəri ərazisində qeydə alınıb.
Hərəkətdə olan minik avtomobili anidən idarəetməni itirərək, maneyə çırpılıb.
Qəza nəticəsində rayon sakini, 1990-cı il təvəllüdlü S.Əliyeva müxtəlif dərəcəli xəsarətlər alıb.
34 yaşlı xanım dərhal Cəlilabad Rayon Mərkəzi Xəstəxanasına çatdırılıb.
Faktla bağlı araşdırma aparılır.
