Böyük Britaniyanın Dəniz Ticarət Əməliyyatları İdarəsi (UKMTO) Hörmüz boğazında hərəkət edən yük gəmisinə naməlum bir mərminin dəydiyi barədə məlumat yayıb.
Təsdiqlənmiş mənbələrə istinadən verilən məlumatda qeyd olunur ki, insident mayın 5-də qeydə alınıb və hazırda rəsmi qurumlar hadisənin təfərrüatları ilə bağlı araşdırma aparır.
UKMTO bölgədəki gərginliyi nəzərə alaraq, su yolunda hərəkət edən digər gəmilərə ciddi xəbərdarlıq edib və hər hansı şübhəli fəaliyyət müşahidə edildiyi təqdirdə dərhal hesabat verməyi tövsiyə edib.
Bu hadisə regionda kommersiya gəmiçiliyinin təhlükəsizliyi ilə bağlı narahatlıqları yenidən artırıb.
