İran 2026-cı il dünya çempionatında iştirak üçün təhlükəsizlik zəmanəti və nümayəndə heyətinin üzvlərinə viza verilməsini tələb edib.
Musavat.com xəbər verir ki, AP News-un məlumatına görə, problem Kanadanın İran Futbol Federasiyasının prezidenti Mehdi Taca viza verməkdən imtina etməsindən sonra yaranıb. Rəsmi Ottava buna səbəb kimi onun SEPAH-da xidmət etməsini göstərib.
Məlumata əsasən, İran millisinin kapitanı Mehdi Taremi də analoji problemlə üzləşə bilər. Bildirilir ki, o da daha əvvəl SEPAH-da xidmət edib.
Tehran turnir zamanı İran nümayəndə heyətinin təhlükəsizliyinə təminat verilməsini, həmçinin ölkənin dövlət bayrağına və himninə hörmətlə yanaşılmasını tələb edib.
Musavat.com
