Rusiyanın Ukraynaya qarşı apardığı müharibədə həyatını itirən azərbaycanlı əsilli hərbçilərin sayı artmaqda davam edir.
Doğru.az Modern.az-a istinadla xəbər verir ki, müxtəlif vaxtlarda Rusiya ordusunun tərkibində döyüşlərdə iştirak edən daha 8 Azərbaycan əsilli hərbçi və Azərbaycan vətəndaşının öldüyü məlum olub.
Həlak olan digər şəxslər isə bunlardır:
Sədrəddin Mehman oğlu Çiriyev – 21 sentyabr 1992-ci ildə anadan olub. Leninqrad vilayətinin Tixvin şəhərində yaşayıb.
Eltun Adil oğlu Əsədov – 10 avqust 1994-cü ildə anadan olub. Yamalo-Nenets Muxtar Dairəsinin Noyabrsk şəhərində yaşayıb, 69-cu qvardiya motoatıcı diviziyasında xidmət edib.
Fərid Farizxan oğlu Məmmədov – 20 yanvar 1991-ci ildə anadan olub. Voronej vilayətinin Pavlovsk şəhərində yaşayıb.
Eldar Nəhmət oğlu Nuriyev – 1 noyabr 1970-ci ildə anadan olub. İrkutsk şəhərində yaşayıb, 137-ci həmlə briqadasında xidmət edib.
İlyas Əmin oğlu Abdullayev – 8 noyabr 1984-cü ildə anadan olub. Moskvada yaşayıb.
Rafael Səttar oğlu Talıbov – 8 iyul 1977-ci ildə anadan olub. Stavropol diyarının Aleksandrovskoye kəndində anadan olub, 7-ci Əlahiddə Moto-atıcı Briqadasında xidmət edib.
Bayram Abdulla oğlu Osmanov – 12 mart 1994-cü ildə anadan olub. Stavropol diyarının Kurskaya kəndində yaşayıb.
Teymur Əzizulla oğlu Sadıqov – Azərbaycan Respublikası vətəndaşı. Rusiya Ordusu ilə 1 illik hərbi müqavilə bağlayıb.
Qeyd edək ki, Rusiya-Ukrayna müharibəsi başlayandan bəri yüzlərlə azərbaycanlı həyatını itirib. Onların arasında Azərbaycan vətəndaşlığı olan şəxslər də var.
DOĞRU.AZ
