Yüksək Liqa: 32-ci çempion hansı komanda olacaq? – ARENA.AZ

Mayın 18-də keçiriləcək “Neftçi” İK – “Araz-Naxçıvan” oyunu ilə 32-ci Azərbaycan çempionatına (Yüksək Liqa) yekun vurulacaq.

Arena.az xəbər verir ki, “Neftçi” İK qalib gəlməkə ilk çempionluq sevincini yaşaya bilər.

“Araz-Naxçıvan” qalib gləcəyi halda isə sayca 20-ci çempionluğunu qeyd edəcək.

1993-cü ildən başlayaraq hər il təşkil edilən Azərbaycan çempionatı yalnız 2020/2021-ci illər mövsümündə pandemiya ilə əlaqədar keçirilməyib. Həmin il İcraiyyə Komitəsinin qərarı ilə bir il əvvəlki çempion – “Araz-Naxçıvan” UEFA Çempionlar Liqasında ölkəmizi təmsil edib. Ümumiyyətlə, “Araz-Naxçıvan” 19 dəfə hamıdan güclü olub. Naxçıvan təmsilçisindən sonra iki komanda 3 dəfə ölkə çempionu titulunu qazanıb. Söhbət “Avtomobilçi” və “Turan AİR”dən gedir. “Azərneftyanacaq” 2 dəfə bu sevinci yaşayıb. İlk çempion isə “Nicat” olub. “Azadə” və “Tribut” da hərəyə bir dəfə çempion olublar. “Araz-Naxçıvan” ardıcıl 10 dəfə çempion olduqdan sonra seriyanı “Xazar İslands” qırıb.

Yüksək Liqa
20-ci tur
18 may

Neftçi İK – Araz-Naxçıvan
Hakimlər: Knyaz Əmiraslanov, Əli Cəbrayılov, İmran Məhərrəmov.
Ehtiyat hakim: Hidayət Feyzullayev.
Hakim-inspektor: Elçin Səmədli.
Bakı İdman Sarayı. Saat 19:00.

Xallar: Neftçi İK – 52. Araz-Naxçıvan – 49. Baku Fire – 38. Şuşa – 21. U-19 – 15. Lənkəran – 0.

• Araz-Naxçıvan
• Idman
• Çempionat
• Neftçi
• Yüksək Liqa