Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi bu il əlilliyi olan daha 1500 nəfəri münasib iş yerləri ilə təmin edib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, əlilliyi olan şəxslərin əmək bazarına çıxışının asanlaşdırılması məqsədilə onlar üçün peşə hazırlığı kursları da təşkil olunur.
Bu il Agentlik əlilliyi olan 131 şəxsi peşə kurslarına cəlb edib. Kursları uğurla başa vuranların işlə təminatına da dəstək göstərilib.
