Müğənni Tacir Şahmalıoğlu Bakıdan köçməyə hazırlaşır.
Milli.Az xəbər verir ki, sənətçi bu barədə "Bir gün" verilişində danışıb.
O, ən böyük arzusunu dilə gətirib:
"Sənətin pik nöqtəsindəyəm. Ona görə şanslıyam. Amma həyatda şanslı deyiləm. Çünki atam, babam 1905-ci ildən Ağdama gəliblər. Dəfələrlə müharibədə olublar. 1988-ci ildən qaçqın düşdük, evimiz məhv oldu. Amma Prezident, şəhidlər və qazilər sayəsində Qarabağ qayıtdı. İtirdiyim Ağdam yoxdur, xarabalıq gördüm. İndi gözəlləşir. Biz də növbəti mərhələlərdə köçəcəyik. Bizim də evimiz var.
Bakıda evim var, amma Ağdamda yaşayacağam. Bu mənim arzumdur. Arzum yurdumda yaşamaq, ağaclar əkməkdir. Ağdamda yaşamaq xoşbəxtlikdir, hər tərəf dağdır".
