DÇ: Azərbaycanın iki güləşçisi finalda, ikisi bürünc medal qazandı

Albaniyanın paytaxtı Tiranada U-23 dünya dünya çempionatı davam edir.



Komanda.az xəbər verir ki, bu gün iki güləşçimiz bürünc medal qazanıb, daha iki güləşçimiz isə finala yüksəlib.



57 kq



Rəhman İmanov 1/8 finalda almaniyalı Niklas Şteleyə məğlub olub – 6:10



65 kq



Zirəddin Bayramov 1/8 finalda moldovalı Pavel Qraupa sonuncu xal prinsipinə əsasən (1:1) qalib gəlib. Bayramov amerikalı Brok Hardidən güclü olub – 14:11. Zirəddin yarımfinalda gürcüstanlı Qoqa Otinaşviliylə güləşib və 5:1 hesabıyla qalib gələrək finala yüksəlib. O, sabah finalda rusiyalı İbrahim İbrahimovla güləşəcək.



70 kq



Kənan Heybətov ilk mərhələdə rusiyalı İnalbek Şeriyevə uduzub – 3:13. Rəqibi finala yüksəldiyi üçün Heybətov sabah təsəlliverici görüşdə qüvvəsini sınayacaq.



79 kq



Əşrəf Aşırov debütdə ermənistanlı Menua Yaribekyan üzərində inamlı qələbə qazanıb – 7:0. Həmyerlimiz 1/8 finalda ispaniyalı Qabriel Ramosu tam üstünlüklə məğlub edib – 13:0. Aşırov 1/4 finalda hindistanlı Saqar Jaqlana heç bir şans tanımayıb – 10:0. Əşrəf yarımfinalda qazaxıstanlı Şamsat Tairlə üz-üzə gəlib və tam üstünlüklə (11:0) qalib gələrək finala yüksəlib. Aşırov sabah finalda rusiyalı Maqomed Maqomayevlə güləşəcək.



92 kq



Abdulcəlil Şabanov təsəlliverici görüşdə qazaxıstanlı Nurdaulet Bekenova vaxtından əvvəl qalib gəlib – 10:0. Həmyerlimiz bürünc medal uğrunda görüşdə gürcüstanlı Andro Marqişviliylə qarşılaşıb. 14:11 hesabıyla qalib gələn güləşçimiz bürünc medal qazanıb.



125 kq



Vaxit Qalayev belaruslu Aleksey Parka vaxtından əvvəl qalib gəlib – 10:0. Qalayev bürünc medal uğrunda görüşdə hindistanlı Kumar Aniruyla qarşılaşmada da tam üstünlüklə (10:0) qalib gələrək U-23 dünya çempionatında bürünc medal qazanıb.

Bizi Telegramda izləyin

Bizi Facebook-da izləyin Etiketlərgüləş