“Haas” komandasının keçmiş rəhbəri Günter Ştayner “Ferrari”də yeddiqat Formula 1 çempionu Luis Hemiltonun üzləşdiyi çətinliklər barədə danışıb.
90deqiqe.Az xəbər verir ki, "The Red Flags Podcast" funksionerin dediklərini belə çatdırıb.
“Uzun müddət hər şey sakit idi, lakin Lüis gəldikdən sonra komandada yenidən problemlər başladı. Son illərdə, mənim fikrimcə, belə çətinliklər yox idi. Bu yalnız Lüis gəldikdən sonra meydana çıxdı.”
Qeyd edək ki, Luis Hemilton 2024-cü mövsümün sonunda “Mersedes”dən İtaliya komandası “Ferrari”yə keçib. Komandadan isə ispaniyalı pilot Karlos Sayns ayrılıb.
