Premyer Liqa: “Everton” MY-ni səfərdə yendi – ARENA.AZ

Bu gün futbol üzrə İngiltərə çempionatında (Premyer Liqa) 2025/2026-cı illər mövsümünün 12-ci turuna yekun vurulub.

Arena.az xəbər verir ki, sonuncu oyun günündə bir qarşılaşma baş tutub.

Turun qapanış matçında “Mançester Yunayted” doğma meydanda “Everton”la qarşılaşıb. “Qırmızı şeytanlar” bu görüşdə minimal hesabla uduzublar. Halbuki, “Everton” 13-cü dəqiqədən etibarən 10 nəfərlə oynayıb.

Beləliklə, geridə qalmış 12 turdan sonra 29 xal toplamış “Arsenal” vahid liderdir. “Çelsi” 23, “Mançester Siti” 22, “Aston Villa” 21 xal toplayıb.

İngiltərə, Premyer Liqa
12-ci tur

22 noyabr

Börnli – Çelsi 0:2
Qollar: Neto, 37. E.Fernandes, 88.

Bornmut – Vest Hem 2:2
Qollar: Tavernye, 69-pen. E.Ünal, 81 – K.Uilson, 11; 35.

Brayton – Brentford 2:1
Qollar: Uelbek, 71. Hinşelvud, 84 – Tyaqo, 29-pen.

Fulhem – Sanderlend 1:0
Qol: R.Ximenes, 84.

Liverpul – Nottingem Forest 0:3
Qollar: Murilyo, 33. Savona, 46. Gibbs-Uayt, 78.

Vulverhempton – Kristal Pelas 0:2
Qollar: Munyos, 63. Pino, 69.

Nyukasl – Mançester Siti 2:1
Qollar: Barnes, 63; 70 – R.Dias, 68.

23 noyabr

Lids – Aston Villa 1:2
Qollar: Nmeça, 8 – M.Rocers, 48; 75.

Arsenal – Tottenhem 4:1
Qollar: Trossard, 36. Eze, 41; 46; 76 – Riçarlison, 55.

24 noyabr

Mançester Yunayted – Everton 0:1
Qol: Dyusberi-Holl, 29.