Futzal üzrə beynəlxalq dərəcəli hakim-inspektor Elçin Səmədli UEFA tərəfindən təyinat alıb.
Fanat.Az xəbər verir ki, məlumatı Azərbaycan Futzal Federasiyası yayıb.
O, dünya çempionatının ilkin mərhələsinin oyunlarında hakimlərin işini qiymətləndirəcək. Səmədli aprelin 9-dan 12-dək Litvanın Druskininkai şəhərindəki idman sarayında keçiriləcək matçlar zamanı iş başında olacaq.
Qeyd edək ki, C qrupunda meydan sahibi Litva ilə yanaşı, Şimali İrlandiya, Bolqarıstan və Türkiyə milliləri yer alıblar.
