ain.az, Ayna saytına istinadən bildirir.
Vaşinqton Seulun Şimali Koreya ilə bağlı kəşfiyyat məlumatlarına çıxışını qismən məhdudlaşdırıb
ABŞ Cənubi Koreyanın Şimali Koreya ilə bağlı kəşfiyyat məlumatlarına çıxışını qismən məhdudlaşdırıb. AYNA.AZ xəbər verir ki, bu barədə “Yonhap” agentliyi hərbi rəsmilərə istinadən məlumat yayıb.
Yüksək vəzifəli bir hərbi məmur agentliyə bildirib ki, "doğrudur, bu ayın əvvəlindən bəri ABŞ tərəfi Şimali Koreya ilə bağlı peyklər vasitəsilə toplanan bəzi kəşfiyyat məlumatlarını yaymağı məhdudlaşdırır".
Məmurun sözlərinə görə, Vaşinqtonun hərəkətləri Cənubi Koreya silahlı qüvvələrinin hazırlığına təsir etməyib. Məmur qeyd edib ki, müttəfiqlər arasında Şimali Koreyanın "kritik" hərbi fəaliyyətləri, o cümlədən raket buraxılışları ilə bağlı kəşfiyyat məlumatlarının mübadiləsi "həmişəki kimi" davam edir.
Birləşmə naziri Çunq Donq-yeonun ötən ay parlament iclasında Şimali Koreyanın Kusonq bölgəsini ölkədəki uran zənginləşdirmə zavodunun yerlərindən biri kimi qeyd etməsindən sonra Vaşinqtonun Seulun kəşfiyyat məlumatlarına çıxışını məhdudlaşdırdığı dəqiqləşdirilib.
ABŞ tərəfi hesab edir ki, bu, Vaşinqton tərəfindən verilən kəşfiyyat məlumatlarına əsaslanan məxfi məlumatdır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
