Milli komandaların oyunları ilə əlaqədar Misli Premyer Liqasında yaranmış fasilədən istifadə edən “Araz-Naxçıvan” Naxçıvan Muxtar Respublikasına yollanacaq.
Fanat.Az klubun mətbuat xidmətinə istinadən xəbər verir ki, oktyabrın 6-da yola düşəcək əsas komandanın futbolçuları və məşqçi heyəti ertəsi gün Naxçıvanda Ümummilli Lider Heydər Əliyevin abidəsini və Şəhidlər xiyabanını ziyarət edəcəklər.
Saat 11:00-da isə Naxçıvan Muxtar Respublika stadionunda azarkeşlərlə görüş baş tutacaq, onlara toplar və formalar hədiyyə olunacaq, eyni zamanda akademiyanın futbolçuları ilə əyləncə xarakterli oyun keçiriləcək.
Tədbirin sonunda imza mərasimi reallaşacaq.
