EN
Topics
Other
18.11.2025 ◦ 02:00

DÇ-2026: Daha 3 qrupda mübarizə yekunlaşdı - ARENA.AZ

Dünya çempionatının (DÇ-2026) Avropa zonası üzrə seçmə mərhələsində bu gün növbəti qarşılaşmalar keçirilib.

Arena.az xəbər verir ki, A, G və L qrupları üzrə ümumilikdə 6 oyun baş tutub.

Bununla da sözügedən qruplar üzrə mübarizə tam yekunlaşıb.

A qrupunda Almaniya yığması Slovakiyanı doğma meydanda biabırçı hesabla yenməklə mundiala birbaşa vəsiqə qazanıb. Slovakiya isə pley-offda oynamaq məcburiyyətində qalıb.

G qrupunda Niderland Litvanı məğlub etməklə qrup birinciliyini və mundiala vəsiqəni rəsmiləşdirib. Səfərdə Maltaya qalib gəlmiş Polşa isə pley-offa vəsiqə qazanıb.

L qrupunda da səfərdə Monteneqroya qalib gəlmiş Xorvatiya qrup birincisi olub. Sözügedən komanda mundiala vəsiqəni hələ ötən tur təmin etmişdi. Çexiya isə Cəbəllütariqlə oyunda darmadağına imza atmaqla pley-offa vəsiqə əldə edib.

DÇ-2026-nın seçmə mərhələsi

17 noyabr

A qrupu

Şimali İrlandiya – Lüksemburq 1:0
Qol: Donli, 44-pen.

Almaniya – Slovakiya 6:0
Qollar: Voltemade, 18. Qnabri, 29. Sane, 36; 41. Baku, 67. Uedraqao, 79.

Xallar: Almaniya – 15. Slovakiya – 12. Şimali İrlandiya – 9. Lüksemburq – 0.

G qrupu

Malta – Polşa 2:3
Qollar: Kardona, 36. Teuma, 68-pen – Levandovski, 32. Vşolek, 59. Zelinski, 85.

Niderland – Litva 4:0
Qollar: Reynders, 16. Qakpo, 58-pen. X.Simons, 60. Malen, 62.

Xallar: Niderland – 20. Polşa – 17. Finlandiya – 10. Malta – 5. Litva – 3.

L qrupu

Çexiya – Cəbəllütariq 6:0
Qollar: Doudera, 5. Çori, 18. Çoufal, 32. Karabeç, 39. Souçek, 44. Hranaç, 51.

Monteneqro – Xorvatiya 2:3
Qollar: Osmayiç, 3. Krstoviç, 17 – Perişiç, 37-pen. Yakiç, 72. Vlaşiç, 87.

Xallar: Xorvatiya – 22. Çexiya – 16. Farer Adaları – 12. Monteneqro – 9. Cəbəllütariq – 0.

Xəbəri istədiklərinizlə paylaşın
error: Məzmun qorunur!
Chosen
16
50
arena.az

10Sources